Kufanana, kufaana ama kufaa

Kufanana ni hali ya kitu ama mtu mmoja kuwa na sifa zinazoshabihiana na za kitu kingine ama mtu mwingine. Wakati fulani hata watu huweza kushindwa kuwatofautisha watu wafananao. Kwangu dhana ya kufanana ni ya kimaumbile tu na si ya maana zaidi ya hapo. Baadhi ya binadamu wamekuwa wakifurahia wao wenyewe ama mtu fulani kufanana na mtu mwingine aghalabu mtu mashuhuri ama tajiri. Mifano angalia hapa na hapa Mimi sichukii mtu kunanana na mtu lakini sidhani watu kufanana ni jambo la kupigiwa upatu pasi na kufikiri namna gani kufanana huko kuwe kwa manaufaa ya wote wafananao ama ya jamii kwa ujumla. Watu utawasikia huyu anafanana na rais wa nchi fulani, au mfanyabiashara fulani au mtu maarufu huyu ama yule. Mie huwa nadhani ni kupoteza muda. Mbona punda wa lioko kijijini kwenu wanafanana na wale walioko katika kijiji chetu na hawatambi wala kuwatambia watu kuwa wanafanana? Kwangu la msingi ni watu kufaana wao kwa wao ama kuifaa jamii nzima.

Alipata Kusema ...

If you talk to a man in a language he understands, that goes to his head. If you talk to him in his language, that goes to his heart. Nelson Mandela.

(Ukiongea na mtu kwa lugha anayoielewa, yatamkaa kichwani. Ukiongea na mtu katika lugha yake, yatamkaa moyoni.)

Nimekutana na nukuu hii ya mzee wetu. Pengine moja ya vyanzo ya mifarakano na mitafaruku ni lugha gongana. Watu hatuelewani kwa sababu hatutimiziani, ama makusudi ama kwa sababu maalumu fulani. Hebu wape watu mkate uone kama wataingia mtaani kugoma. Hebu wape mikopo ya kueleweka uone kama wataenda DECI. (Benki sasa zimefikia hata riba ya 28%). Hebu wape watu vitabu na mazingira mazuri ya kusoma uone kama watakwiba mitihani. Hebu wape watu mishahara mizuri uone kaba watakuwa mafisadi (lakini fisadi ni fisadi tu).